Fifa Yakana Kumbeba Messi

Shirikisho la soka duniani (fifa) limekana kumbeba staa wa Argentina Lionel Messi ili kutangazwa mchezaji bora wa dunia kwa upande wa wanaume iliyofanyika septemba 23 jijini Milan Italia.

Messi alishinda tuzo hiyo baada ya kuwabwaga Cristiano Ronaldo na Virgil van Djik ambapo tuzo hiyo hutolewa kwa mshindi aliyeongoza kwa kura kutoka kwa manahodha na makocha  wa timu za taifa pamoja na baadhi ya waandishi wa habari za michezo duniani.

Malalamiko mbalimbali yalitolewa kufuatia Messi kutangazwa mshindi wa tuzo hiyo ambapo shirikisho la soka nchini Misri lililalamika baada ya kura zake kutohesabiwa huku nahodha wa nchi ya Nicaragua akilalamika kutompigia kura Messi malalamiko ambayo yanafanana na ya kocha wa timu ya taifa ya Sudan Zdravko Logarusic.

Kufuatia malalamiko hayo Fifa imejibu ambapo kura kutoka Misri hazikuhesabiwa baada ya kutokua na saini ya katibu mkuu wa shirikisho hilo huku nahodha wa Nicaragua na kocha wa Sudan wakiambiawa walimpigia kura staa huyo wa Barcelona kama ilivyoonekana katika fomu.