Fadlu Awataka Pamba Jiji Ligi Kuu

Mabosi wa klabu ya Simba Sc awali waliomba kuahirishiwa mchezo wa ligi kuu dhidi ya Klabu ya Pamba Jiji Fc lakini kocha Fadlu Davis ameiomba mechi hiyo iwepo ili kuwapima mastaa hao ikiwa ni maandalizi ya mechi za Caf zinazoanza Novemba hii.

Kutokana na ombi hilo la Fadlu mabosi hao hawakuwa na hiyana na kuiomba bodi ya ligi nchini ambayo sasa imeupanga mchezo huo kufanyika Novemba 22 katika uwanja wa Ccm Kirumba jijini Mwanza.

Fadlu anataka kuona kama mastaa hao wamezielewa mbinu zake kuelekea michuano ya kimataifa ambapo kikosi hicho kinatarajiwa kuwavaa Onze de Marquiz Bravo ya nchini Msumbiji siku ya Novemba 28.

Mpaka sasa ikiwa ligi imesimama na kikosi hicho kikiwa kileleni mwa msimamo wa ligi kuu ya Nbc nchini kikiwa na alama 25 wakicheza michezo kumi ambapo Fadlu hataki kikosi hicho kipoteze hali ya mapambano.