City,Arsenal hawakamatiki epl,Chelsea yafufuka

Ligi kuu ya soka nchini Uingereza(premier league) imeendelea tena wikiendi kwa michezo kadhaa kufanyika siku ya pili ya Christmas ya kufungua zawadi(boxing day) kama ilivyo desturi ya ligi hiyo,uku man city,arsenal,spurs na Chelsea wakitoa zawadi za ushindi kwa mashabiki wao.

Man city walikuwa nyumbani Etihad kukabilana na Leicester na wakapata ushindi mnono wa 6-3 katika moja ya mechi zenye magoli mengi zaidi msimuu huu,wakiendelea kujikita kileleni kwa alama 47.Mechi nyingine ilikuwa ni kati ya Tottenham ya Antonio Conte waliocheza na Crystal Palace na kuibuka na ushindi mzuri wa 3-0.

Arsenal waliokuwa Carrow road waliendeleza wimbi la ushindi kwa mechi ya sita mfululizo ya mashindano baada ya kuwapa kipigo cha bila huruma Norwich kwa mabao 5-0 nyumbani kwao.

Chelsea waliocheza baadae usiku walishinda 3-1 dhidi ya wenyeji Aston Villa shukrani kwa magoli mawili ya penati kutoka kwa nahodha Jorginho amabaye amevunja rekodi ya kufunga penati tisa ndani ya mwaka mmoja kwenye ligi hiyo.Goli linguine liliwekwa kimiani na Romelu Lukaku.

Matokeo ya michezo mingine,west ham walipoteza 3-2 nyumbani dhidi ya Southampton huku Brighton nao wakishinda nyumbani dhidi ya Brentford.

Ligi hiyo inatarajiwa kuendelea leo Jumatatu kwa mchezo mmoja ambapo matajiri wapya kwenye ligi hiyo Newcastle united watakuwa nyumbani kuwavaa mashetani wekundu Manchester united.