Cameroon wafungua na ushindi AFCON

Timu ya Taifa ya Cameroon imepata ushindi wake wa kwanza kwenye michuano ya kombe la mataifa Afrika kwa kuifunga timu ya Taifa ya Burkina Faso 2-1 muda mfupi uliopita.

Wageni Burkina Faso ndio waliotangulia kupata bao kupitia kwa Gustavo Sangare dakika ya 24 akitumia vema makosa ya mlinda mlango Andre Onana aliyeshindwa kuuondoa mpira wa krosi wa Bertrand Traore nahodha wa Burkina Faso.

Cameroon walirejea mchezoni kwa kufanya mashambulizi mengi hadi kufanikiwa kupata mkwaju wa penati uliowekwa kimiani na nahodha Vincent Aboubacar baada Zambo Anguissa kuongushwa kwenye penati box na Traore.

Vincent Aboubacar aliwapa uongozi Cameroon dakika 45 kupitia tena kwa mkwaju wa penati alioupiga kwa ufundi mkubwa.

Teknolojia ya kumsaidia mwamuzi VAR imetumika vizuri baada ya kumsaidia mwamuzi kutoka Misri kuwapa penati Cameroon licha ya awali kutoliona vizuri  tukio.