Bruno Kaifufua Man Utd

Ujio wa kiungo Bruno Fernandes umeonekana kuifufua klabu ya Manchester United baada ya kuendeleza wimbi la ushindi ambapo leo wamefanikiwa kuifunga timu ya Afc Bournemouth mabao 5-2.

Makosa ya Harry Maguire na David De Gea yaliwatanguliza wageni dakika ya 16 kabla ya Man utd kwenda mapumziko wakiongoza mabao matatu ya Mason Greenwood,Marcus Rashford na Athony Martial.

Mapema kipindi cha pili Joshua King aliwarudisha mchezoni Bournemouth alipofunga bao la pili lakini Greenwood alitibua tena baada ya kupachika goli la nne na la pili kwake katika mchezo huo kabla Bruno Fernandes kufunga kwa kiki ya faulo nzuri na kuipa United goli la tano.

Man utd wamefanikiwa kuingia Top Four ya msimamo wakiwa na pointi 55 moja mbele ya Chelsea wenye mchezo mmoja mkononi.