Baada ya boko,Nyoni Ajifunga Simba

Beki kiraka wa Simba sc Erasto Edward Nyoni ameongeza mkataba mpya wa kuendelea kusalia klabuni hapo kwa miaka miwili ijayo baada ya mkataba wa awali kufikia tamati mwishoni mwa mwezi huu.

Nyoni aliyesajiliwa na Simba miaka miwili iliyopita kutoka Azam Fc ni mchezaji aliyeisaidia Simba kushinda mataji mawili ya ligi kuu kwa misimu miwili mfululizo huku akiwa na uwezo wa kucheza nafasi zote za ulinzi na kiungo kwa ufanisi mkubwa.

Erasto 31′ ambaye alisajiliwa na Azam Fc baada ya kumuona kwenye mashindano ya kagame cup akiwa na Vital O  ya burundi mwaka 2009 amekulia katika kituo cha soka cha Rolling stone cha Arusha na baada ya kuitumikia Azam kwa takribani miaka kumi alijiunga na Simba sc.