Timu ya Azam Fc leo jumatano imesafiri kwenda nchini Ethiopia kuwafata timu ya Fasil Kenama katika mchezo wa kombe la shirikisho barani Afrika raundi ya kwanza utakaopigwa nchini humo msiku ya jumamosi.
Msafara wa Azam FC umeondoka na wachezaji 23, watu watano wa benchi la ufundi wakiongozwa na Kocha Mkuu, Etienne Ndayiragije pamoja na viongozi na maofisa wa timu hiyo.
Aidha katika kukabiliana na changamoto za ugenini, Azam FC ilitanguliza sehemu ya uongozi wake tokea juzi wakiongozwa na Ofisa Mtendaji Mkuu, Abdulkarim Amin ‘Popat’, ili kuandaa mambo mbalimbali na taratibu zote za timu ikiwa huko.
Azam inabidi kutafuta matokeo ya ushindi ugenini ili kujiwekea mazingira ya kufuzu katika mchezo wa pili utakaofanyika nchini Tanzania.
