Simba Yakubali Kipigo

Kikosi cha Simba Sc klabu leo kimekubali kipigo cha mabao 3-2 mbele ya klabu ya Mbao Fc kwenye mchezo wa Ligi Kuu Bara uliochezwa Uwanja wa Taifa.

Mbao ilianza kupachika bao la kwanza kwenye lango la Simba kupitia Rajab Rashid dakika ya 5 huku bao la kusawazisha kwa upande wa Simba lilipatikana dakika ya 35 kupitia mshambuliaji wao namba moja Meddie Kagere kwa mkwaju wa penalti.

Bao la pili Mbao Fc liligonga nyavu dakika ya 45+2 kupitia kwa Wazir Jr na kuwafanya Simba waende mapumziko ya kipindi cha kwanza cha mchezo wakiwa nyuma kwa mabao 2-1.

Kipindi cha pili kiungo mshambuliaji wa Simba Miraji Athuman aliweka usawa dakika ya 52 ambapo bao hilo halikudumu kwani ,Jordan John wa Mbao Fc aliwanyanyua mashabiki dakika ya 59 na kuwafanya wasepe na pointi tatu mbele ya mabingwa hao.