Saliboko Atamani Kiatu Cha Kagere

Nyota aliyemaliza msimu wa 2019/2020 akiwa Lipuli Fc iliyoshuka daraja na kuibukia Gwambina Fc,Darueshi Saliboko ameweka wazi kupambana na kujitengenezea mazingira ya kuwania kiatu cha dhahabu katika msimu wa ligi kuu bara(VPL) unaoanza kesho.

Meddie Kagere ndiye anayekishikilia kiatu hicho kwa misimu miwili mfululizo na anaifanya klabu yake ya Simba ijivunie kuwa nae.

Msimu ulioisha wa ligi kuu bara ,Saliboko alifunga jumla ya mabao 11 ndani ya lipuli jambo linalomfanya asikate tamaa na azidi kusonga mbele ili kuandika rekodi nyingine itakayomtengenezea kunyakua kiatu cha dhahabu akiwa ndani ya Gwambina Fc.

“Msimu huu utakuwa na ushindani wa hali ya juu kutokana na usajili uliofanywa na timu zinazoshiriki VPL ila mungu anipe uzima niweze kutimiza ndoto yangu,kwani nahitaji kufunga zaidi ya mabao hayo 11″amesema Saliboko