Nataka Pep Arudi Barca-Joan

Rais wa zamani wa Barcelona, Joan Laporta anampango wa kumrudisha aliyewahi kuwa kocha mkuu wa klabu hiyo,Pep Guardiola ambaye yupo Man City kwa sasa.

Laporta ambaye yupo mbioni kuwania kiti hicho cha Urais klabuni hapo 2021 ,amekiambia kituo cha TV cha Catalan TV3 kuwa endapo kama atafanikiwa kupita na kuwa Rais wa klabu hiyo kwa mara nyingine mwaka ujao basi chaguo lake la kwanza atakuwa Pep Guardiola kurudi kuifundisha Barcelona .

“Ningependa sana Guardiola arudi, lakini kwa sasa yuko Man City na ni uamuzi ambao Pep anapaswa kuchukua kwani Yeye ni nembo ya Barcelona na mashabaki wengi wangependa afundishe Barca tena ila ukifika wakati sahihi nitazungumza na mtu ambaye tunafikiria anapaswa kuwa kocha wa Barca kutoka 2021.” alisema Joan Laporta