Man United,Barcelona Wamtaka Huyu Fundi

Mshambuliaji wa klabu ya Arsenal, Pierre Emerick Aubameyang yupo kwenye hesabu za kuwindwa na Barcelona na Manchester United kwani uwezo wake wa kutupia mabao umewavutia Man United inayoshiriki Ligi Kuu England pamoja na mabosi wa Barca ambayo inashiriki La Liga.

Aubaameyang ni raia wa Gabon mwenye uri wa miaka 30 anayekipiga timu yake ya Taifa akiwa pia ni nahodha kwenye timu zote anazocheza pamoja na Arsenal.

Kabla ya Ligi Kuu England kusimamishwa ili kupambana na maambukizi ya Virusi vya Corona alitumia dakika 2,305 ndani ya uwanja na alitupia mabao 17 huku akitoa pasi moja ya bao akiwa na wastani wa kufunga bao moja kila baada ya dakika 136.

Arsenal ipo nafasi ya 9 katika msimamo wa ligi kuu ikiwa na pointi 40 ikiwa imefunga mechi 9 na kutoa sare 13 katika michezo 28 aliyocheza.