Kmc Chali kwa Geita Gold Sc

Mabao mawili ya Elias Maguri na Godfrey Julius yalitosha kuipa alama tatu Geita Gold Sc dhidi ya KMC katika mchezo wa ligi kuu ya Nbc uliofanyika katika uwanja wa Uhuru jijini Dar es salaam.

Maguli mshambuliaji wa zamani wa Simba sc alifunga bao kali dakika ya pili ya mchezo huo akipiga shuti la mbali akiwa pembeni mwa boksi la mita kumi na nane na kumuacha kipa wa Kmc akiwa hana la kufanya huku beki Andrew Vicent akiwa amechelewa kuucheza mpira huo.

Dakika ya 81 Kmc walifungwa tena bao la pili na Godfrey Julius na kuihakikishia alama tatu Geita Gold sc ambao kutokana na ushindi huo sasa wamefikisha alama 37 katika nafasi ya tano na Kmc wakiwa na alama 26 katika nafasi ya 14 hatarini kushuka daraja.