Chama Bado Yupoyupo Msimbazi

Mchezaji wa Simba Sc ambaye ni raia wa Zambia ,Clatous Chama ameeleza kuwa bado ana mipango ya kubakia kukipiga msimbazi kwani anafurahia soka linalosakatwa na mchezaji mwenzake Bwalya(Rarry)kwani ni kati ya viungo bora hivi sasa katika kikosi hicho.

Mkataba wa kiungo huyo ndani ya Simba Sc unakaribia kumalizika mwishoni mwa msimu huu 2020/2021 na amekiri kuwa mambo yakiwa sawa anaweza kuongeza mkataba ili kubakia msimbazi.

“Simba pana raha zaidi,hivyo nafikiria kuendelea kubaki kuichezea Simba kwa kuongeza mkataba mwingine ikiwa mambo yatakaa sawa”alisema Chama

Chama ambaye msimu uliopita alitwaa tuzo mbili ya kiungo bora na mchezaji bora kwenye ligi kuu amehusika katika mabao mawili kati ya mabao 14 yaliyofungwa na timu hiyo huku akitoa asisti tatu za mabao.