McKenna aondoka Man Utd

Benchi ya ufundi la Manchester United lililokuwa chini ya kocha Ole Gunnar Solskjaer limeendelea kupukutika baada ya aliyekuwa kocha msaidizi Kieran McKenna naye kuondoka na kwenda kujiunga na klabu ya Ipswich Town kama kocha mkuu.

McKenna aliendelea kubakia kwenye benchi la ufundi licha ya Ole kuondoka kutokana na kutakiwa kubaki na kocha mpya wa timu hiyo Ralf Rangnick,lakini ofa ya Ipswich imemshawishi kuamua kuondoka Old Trafford na kwenda kuanza safari mpya kama kocha mkuu.

Mkurugenzi wa michezo wa Manchester United  John Murtough amethibitisha kuondoka kwa Kieran pamoja na kocha mwingine Pert ambaye atakuwa msaidizi wake.Murtough alisema kuwa McKenna ni kocha mwenye kipaji,hivyo kama klabu tunamtakia kila la kheri kwenye maisha yake mapya kwani hii ni fursa kwake.

Kuondoka kwa kocha huyo ni pigo kwa kocha Ralf Rangnick kwani amefanya kazi kwa uelewano mzuri na Kieran,huenda sasa Mike Phelan akaenda kuchukua nafasi iliyoachwa wazi kutokana na msaidizi huyo wa zamani wa Ferguson kupunguziwa majukumu yake.

Hii ni fursa nyingine kwa Ralf Rangnick kuendelea kuajiri watu wake ambao atafanya nao kazi vizuri baada ya awali kurithi benchi la Ole.Tayari Man Utd imemuajiri Chris Armas kama kocha msaidizi baada ya kuondoka kwa Michael Carrick.