Kiungo wa kati wa Ufaransa Paul Pogba, 26, atarejea katika mazoezi ya kikosi cha kwanza Manchester United wiki hii na anapania kuwa na ushirikiano uwanjani na Bruno Fernandes aliyejiunga na klabu hiyo Januari. (ESPN)
Manchester United wanaongoza katika kinyang’anyiro cha kumsajili mshambuliaji wa Borussia Dortmund Muingereza Jadon Sancho, 19, kwa bei inayotarajiwa kuvunja usajili wa katika ligi kuu ya Premia msimu wa joto. (Telegraph)
Winga wa Borussia Dortmund Jadon Sancho hana hofu kuhusiana na hatma yake ya baadae katika klabu hiyo
Real Madrid na Paris St-Germain pia wanamnyatia Sancho, ambaye anataka kurejea England. (Mirror)
Huku hayo yajijiri, Werner amejiondoa kwenye mtandao wa Twitter wa klabu yake ya sasa Leipzig baada ya wao kutumia picha yake akijibu maswali kuhusu Liverpool kushindwa kwa mara ya kwanza katika msimu huu wa ligi ya Premia. (Echo)
Meneja wa Leipzig Julian Nagelsmann hangelipendelea kumuachilia beki wa Manchester City Angelino,23, ambaye kwa sasa anachezea klabu kwa mkopo – lakini anasema bei ya Mhispania huyo ni “ni ghali mno” na kwamba huenda akawa vigumu kumpatia mkataba . (Kicker – in German)
Mlinzi Muingereza Mason Holgate, 23, anasema lengo lake ni kujiunga na Everton licha ya klabu nyingine kama Manchester City kuonesha nia ya kutaka kumnunua. (Mail)
Wasaka vipaji wa Everton’ wapo Italia kutathmini uwezekano wa uhamisho wa winga wa Napoli na Mexico Hirving Lozano, 24. (Area Napoli, via Star)
Leicester wanamfuatilia beki wa Burnley Muingereza Charlie Taylor, 26, anayepigiwa upatu kuchukua nafasi ya kiungo wa kimataifa wa England Ben Chilwell, 23. (Times)
Meneja wa Chelsea Frank Lampard anaamini kipa wa klabu hiyo Mhispania Kepa Arrizabalaga, 25, bado anastahili kupewa nafasi katika klabu hiyo. (Mail)
Beki wa Brazil Alex Telles, 27, amabaye ananyatiwa na Chelsea, amekataa ombio la kurefusha mkataba Porto. (A Bola, via Sun)
Meneja wa Arsenal Mikel Arteta anahofia klabu hiyo isipofuzu kwa Champions League msimu huu itakuwa na wakati mgumu kuwavutia wachezaji. (ESPN)
