Mshambualiaji wa Yanga Amis Tambwe amemsihi kocha Mwinyi Zahera kumrejeshea unahodha beki Kelvin Yondani kutokana na ukongwe na uzoefu wa beki huyo aliyejiunga na Yanga toka mwaka 2012.
Tambwe aliyetemwa na Yanga huku umri na majeraha ya mara kwa mara vikitajwa ndio sababu ya kutemwa huko amemwomba Zahera kuhakikisha beki huyo mkongwe anarudishiwa kitambaa hicho ili kuongoza jahazi kutokana na uzoefu wake katika ligi kuu na mechi za kimataifa.
Yondani mwenye miaka 35 ni beki mkongwe na mwenye uzoefu wa kukabiliana na washambuliaji hatari huku akiwa na uzoefu wa michuano ya kimataifa na hivi karibuni alikua nchini misri na timu ya taifa ya Tanzania katika michuano ya Afcon 2019.
