Ngassa,Ninja Kusalia Jangwani

Baada ya kukamilisha usajili wa mastaa wa kigeni,Klabu ya Yanga chini ya Mwenyekiti Msomi Dk.Mshindo Msolla sasa wameamua kugeukia usajili wa mastaa wa ndani ambao mikataba yao imeisha.

Timu hiyo yenye jeuri ya fedha baada ya kufanikisha harambee ya kuichangia klabu hiyo kwa mafanikio sasa imeamua kuwapa mikataba baadhi ya mastaa wazawa ambao mikataba yao imeisha wakiwemo Mrisho Ngassa,Abdalah Shaibu Ninja na Rafael Daud.

Inaripotiwa kuwa mikataba hiyo inatolewa kwa nyota hao kufuatia maelekezo ya mwalimu Zahera ambaye ameelekeza wachezaji hao wapewe mikataba mipya ili kuungana na wachezaji wapya wa kigeni pamoja na wazawa ambao bado wana mikataba na klabu hiyo ili kuunda jeshi moja kali kwa ajili ya ligi kuu na michuano ya kimataifa inayoanza mapema ambapo mwisho wa kuwasilisha usajili wa kimataifa ni june 30 mwaka huu.