Inonga Majanga Tupu

Beki wa kati wa klabu ya Simba sc Henock Inonga ameendelea kuwa na msimu mbaya baada ya kuumia katika mchezo unaoendelea wa ligi kuu dhidi ya Coastal Union na kulazimika kupelekwa hospitali kwa kutumia gari la wagonjwa.

Tukio hilo limetokea dakika ya 20 ya mchezo wakati Simba ikicheza dhidi ya Coastal Union ya Tanga katika Uwanja wa Uhuru huku ikiwa inaongoza kwa mabao 3-0 mpaka kipindi cha kwanza yote yakifunga na Jean Baleke.

Wakati Inonga akiwania mpira akakutana na Ugando na kusababisha ajali hiyo na mshambuliaji huyo akapewa kadi nyekundu ya moja kwa moja na mwamuzi, Ahmed Arajiga huku haraka baada ya kupewa huduma ya kwanza alilazimika kukibizwa hospitali.

Huu unaweza kuwa msimu mbaya zaidi kwa staa huyo raia wa Congo Drc baada ya kutoka majeraha ya bega alipoumia katika mchezo wa ngao ya jamii dhidi ya Singida Fountain Gate ambapo alilazimika kukaa nje kwa wiki mbili.