0
Mlinda mlango wa Arsenal, Bernd Leno amefunguka kuhusu Mbrazil kinda Gabriel Martinelli kwa kusema kuwa atakuja kuwa staa mmoja mkubwa sana kwenye soka la dunia .
Martinelli aliyewasili Emirates akitokea kwenye timu ya daraja la tatu huko Brazil, Ituano mwaka jana ameonyesha kiwango bora kabisa akifunga mabao 10 tangu alipotua kwenye soka hilo la England .
Leno anaamini kwa tabia za Martinelli yupo kwenye njia sahihi za kwenda kuwa supastaa mkubwa kwa siku za baadaye kwani silaha yake kubwa kwake ni akili pia anajituma sana japo ana umri wa miaka 18 tu hivyo akiendelea hivyo atakuja kuwa habari ya dunia
“Anaweza kuja kuwa mchezaji staa wa dunia na mchezaji wa kiwango cha dunia kwa asilimia 100 kwa sababu ana kipaji na uwezo”alisema Leno
