Ni Yanga vs Kariobang Sharks Wiki ya Mwananchi

Klabu ya Yanga sc imethibitisha kuwa itavaana na Kariobang Sharks ya Kenya katika siku ya kilele cha wiki ya Mwananchi katika uwanja wa taifa Agosti 4 jijini Dar es salaam.

Awali Yanga ilitangaza kuwaleta klabu ya As Vita kutoka Kongo lakini kutolewa ghafla kwa ratiba ya michuano ya kimataifa ya ligi ya mabingwa Afrika na Kombe la Shirikisho kumewafanya Wakongo hao kushindwa kuja nchini kutokana na kubanwa na ratiba.

Pia klabu hiyo ambayo ni mabingwa wa kihistoria wa ligi kuu nchini wakichukua mara 27 wametangaza viingilio katika mchezo huo ambapo kiingilio cha juu ni shilingi elfu 30 huku cha chini ikiwa ni shilingi elfu 5 katika majukwaa ya viti vya bluu na rangi ya machungwa(orange).

Yanga itabidi walipize kisasi katika mechi hiyo baada ya kufungwa na Sharks katika michuano ya Sportspesa iliyofanyika nchini baada ya kufungwa kwa mabao 2-1 hapo hapo katika uwanja wa taifa.