Yanga Sc Yazindua Jezi za CCL

Klabu ya Yanga sc imezindua jezi maalumu ambazo itazitumia katika michuano ya klabu bingwa barani Afrika hatua ya makundi ambapo itaanza mchezo huo siku ya ijumaa dhidi ya CR Belouzdad ya nchini Algeria.

Katika jezi hizo zilizozinduliwa mapema jioni ya leo kuna aina tatu za nyumbani,ugenini na jezi ya tatu ambayo itatumika pale tu hizi mbili zinapoingiliana rangi na timu pinzani katika michuano hiyo mikubwa barani Afrika kwa ngazi ya vilabu.

Jezi hizo mpya zilizozinduliwa zimebuniwa na mbunifu Sharia Ngowi ambapo zimekua na maana mbalimbali  kama zilivyo jezi mpya za nyumbani za Yanga sc za Ligi ya mabingwa Afrika 2023/24 yameandikwa majina ya wachezaji walioiwezesha timu hiyo kufuzu hatua makundi ya michuano hiyo baada ya miaka 25 pamoja na nchi wanazotoka.

Katika jezi ya Dark Blue (Third Kit) zimeandikwa sehemu mbalimbali za vivutio vya utalii Tanzania kama vile mbuga za Wanyama na sehemu za kumbukumbu za kihistoria.

Tayari klabu hiyo imetangaza kwamba jezi hizo zitauzwa kwa bei ya shilingi elfu hamsini kwa reja reja na kutakua na matoleo machache kama mwaka jana ambapo walizalisha jezi elfu hamsini pekee.