TPLB Yamjibu Kocha Azam Fc

Bodi ya ligi kuu Tanzani imetolea ufafanuzi ombi la kocha mkuu wa klabu ya Azam fc Aristica Cioaba aliyeomba kuongezwa idadi ya wachezaji wa kufanyia mabadiliko kutoka watatu mpaka watano.

Kocha huyo alitoa ombi hilo ili kuepusha wachezaji kupata majeraha kutokana na kutocheza kwa muda muda mrefu baada ya ligi kuu kusimamishwa kupisha janga la ugonjwa wa corona huku wakitakiwa kucheza mechi mfululizo endapo ligi itarejea.

Akijibu kuhusu ombi hilo mtendaji mkuu wa bodi hiyo Almas Kasongo alisema ni ngumu kubadili kanuni hasa katikati ya msimu lakini watalichukua na kulifanyia kazi ikiwezekana.

“Mimi nafikiri tulichukue ili wakati wa uboreshaji wa kanuni zetu tuliwasilishe lakini sioni kama kuna hiyo nafasi katikati ya msimu. Kwahiyo tutakapotangaza maboresho ya kanuni ni vizuri tukalichukua hilo“, amesema Kasongo.