Vita ya kuwania taji la ligi kuu soka nchini Uingereza imeendelea usiku wa kuamkia leo ambapo Chelsea alishuka dimbani darajani kuikabilisha Everton,huku Liverpool nao wakiwa nyumbani waliwakaribisha Newcastle United kwenye dimba la Anfield.
Chelsea wamedondosha alama mbili muhimu kwenye vita hiyo baada ya kupata sare ya 1-1 dhidi ya Everton huku wapinzani hao wakiwakosa mastaa wake kwenye kikosi cha kwanza kama Richarlison,Gray,Digne,Allan na Calvet Lewin.
Licha ya kuwakosa Lukaku,Timo Werner na Hudsoi Odoi bado Chelsea walikuwa na uwezo wa kuifunga Everton,lakini matumizi mabaya ya nafasi za kufunga yamewafanya kuzidi kutengeneza gepu kati yake na vinara Man City.
Liverpool hawakufanya makosa kwa kupata ushindi mzuri wa 3-1 dhidi ya Newcastle United kupitia kwa Diogo Jota,Mohamed Salah na Trent Anold. Ushindi huo umewafanya waendelee kuongeza presha kwa City kileleni huku tofauti ikiwa ni alama moja tu.
Msimamo wa ligi hiyo baada ya michezo ya katikati ya wiki hii.
