Klabu ya Yanga inamfatilia kwa ukaribu nahodha wa timu ya Ud songo ya Msumbiji Luis Miquisson mwenye miaka 24 ambaye huvaa jezi namba 17Â pia anaichezea timu ya taifa ya Msumbiji.
Kiungo mshambuliaji huyo ni mchezaji wa Mamelodi Sundowns ya nchini Afrika ya kusini lakini anaitumikia Ud songo kwa mkopo ambapo timu yake imemtoa kwa mkopo mara kadhaa katika timu za Chipa united, Royal Eagles na sasa Ud songo.
Kiungo huyo ni fundi wa kusukuma mashambulizi kwenda mbele huku akichangiwa na ubunifu katika kupiga pasi za mwisho na kufunga huku pia akiwa na ufundi wa kupiga mipira iliyokufa.
Yanga inafikiria kuongeza mshambuliaji endapo itafanikiwa kufuzu kwenda hatua ya makundi ya michuano ya kombe la shirikisho baada ya kuangukia huko baada ya kutolewa na Zesco united katika kombe la klabu bingwa barani Afrika.
