Kocha AbdulHamid Moallin pamoja na mchezaji Waziri Junior wamefanikiwa kuchukua tuzo za kocha bora na mchezaji bora wa mwezi septemba kutoka na taarifa iliyotolewa na bodi ya ligi kuu nchini.
Waziri amefanikiwa kutwaa tuzo hiyo akiwashinda Jean Baleke wa Simba na John Nakibinge wa Tabora United alioingia nao fainali.
Moalin amefanikiwa kuchukua tuzo hiyo akiwazidi Roberto Oliveira wa Simba na Abdallah Mohamed wa Mashujaa FC baada ya kufanikiwa kuiongoza Kmc kuibuka na alama katika michezo yote iliyochezwa katika mwezi Septemba.
Pia kamati ya tuzo imemchagua Meneja wa Uwanja wa Azam Complex Chamazi, Amir Juma kuwa Meneja Bora wa Uwanja kwa mwezi Septemba kutokana na kufanya vizuri katika menejimenti ya matukio ya michezo pamoja na masuala yanayohusu miundombinu, uwanjani hapo.
